DEPUTETI QË DUAM PËR PROFESIONISTËT

Sot kur Shqipëria është plotësisht e orientuar drejt rritjes ekonomike dhe modernizimit, roli i profesionistëve është thelbësor. Partia Socialiste ka treguar mbështetje në vijimësi për profesionistët, duke e bazuar qeverisjen e saj mbi vizionin se zhvillimi i qëndrueshëm ekonomik dhe përparimi shoqëror nuk mund të arrihen pa ekspertizën dhe kontributin e tyre.

Partia Socialiste ka ndërtuar një platformë që përfshin dhe promovon profesionistët, duke njohur rëndësinë e kontributit të tyre në parlament. Kjo parti beson që zëri i profesionistëve duhet të dëgjohet dhe të përfaqësohet fuqimisht, sepse vetëm kështu mund të sigurojmë një qeverisje që i përgjigjet realisht nevojave dhe aspiratave të popullit.

Inxhinierët, bujqit dhe fermerët, mjekët dhe ekonomistët, mësuesit, shkencëtarët, arkitektët, specialistët e teknologjisë së informacionit përfaqësojnë shtyllat kryesore të shoqërisë. Janë ata që e çojnë përpara inovacionin dhe rritjen ekonomike. Një deputet që vjen nga këto fusha dhe që ka një kuptim të thellë të tyre, mund të kontribuojë në mënyrën më efektive në formulimin dhe mbrojtjen e politikave që mbështesin zhvillimin dhe përparimin e vendit tonë. 

Mbështetja e Partisë Socialiste për profesionistët nuk është një strategji politike, por një angazhim për maksimizimin e energjive për përparimin e Shqipërisë. Me përfshirjen e profesionistëve në proceset vendimmarrëse, garantohet që politikat publike do të jenë të bazuara në njohuri të thella dhe përvojë praktike, duke siguruar një zhvillim të qëndrueshëm dhe mirëqenie për të gjithë qytetarët.

Kjo thirrje vjen për të gjithë profesionistët shqiptarë brenda apo jashtë vendit, të cilët duan që njohuritë e tyre t’i vendosin në shërbim të  vendit.