Gratë dhe vajzat

Gratë dhe vajzat luajnë një rol të jashtëzakonshëm për të çuar përpara shoqërinë. Ato kanë një kontribut të vyer për të dhënë në çdo fushë e drejtim të punës sonë, për të ndërtuar një shoqëri më të mirë e më të drejtë, por edhe për të garantuar më shumë barazi e më shumë mundesi për përfshirjen e tyre në drejtimin e vendit.

Partia Socialiste e ka treguar me veprime konkrete besimin e saj tek gratë e vajzat shqiptare. Si kurrë më parë, gratë e vajzat janë sot të përfaqësuara në nivelet më të larta drejtuese të politikës, qeverisjes e administratës, në strukturat e partisë por edhe në këshillat bashkiakë, në Kuvendin e Shqipërisë e në kabinetin qeveritar.

Vetëm gjatë fushatës së fundit të rienergjizimit, Partisë Socialiste ju bashkuan 14 mijë gra dhe vajza të reja, që japin çdo ditë kontributin e tyre të vyer për të çuar përpara misionin e Partisë Socialiste dhe vizionin tonë të përbashkët për Shqipërinë 2030. 

Kjo është një thirrje për të gjitha gratë dhe vajzat, anëtare ose jo të Partisë Socialiste, ato që janë pjesë e grupeve që ende nuk kanë gjetur përfaqësimin e tyre në partinë tonë apo ato që përfaqësojnë grupe që tashmë e kanë zërin e tyre në Partinë Socialiste, ky është momenti për t’u angazhuar fort e për të dhënë  kontributin tuaj!